මම G.K පේපරේ ලිව්ව හැටි :P | How I Messed Up My Exam :D

අපි අපොයි. උපේ කලානේ ඒ කාලෙ. මන් ඉතින් මැත තමයි කොලේ. කොහොම හරි මැත්ස්, බයෝ කරපු එවුන්ට හැදෙනව පිස්සුවක් කෙම(chemistry) ඉවර උනු ගමන්ම ඒ ලෙවල් ඉවරයි කියල හිතෙන. ඉතින් අනිත් සබ්ජෙක්ස් වලට(කඩ්ඩටයි, පොදු පරීක්ශනේටයි) දෙන්නෙ කුඩම්මගෙත් පලවෙනි කසාදෙ මිනිහට දෙන සැලකිල්ල.කොටින්ම කියනවනම් කෙම ඉවර වෙලා ගෙදර යන්නෙ පහුවදා විභාගයක් තියෙනව කියන අදහසින් නෙමේ. අපිට රටක් රාජ්ජෙකුයි තව පොඩ්ඩකුයි ලැබුන වගේ සතුටක් තමයි චිත්ත සන්තානයේ ඇතිවෙන්නේ.  

අපිත් ඉතින් කෙම ඉවර උනු දවසෙ ඒ ඇතිවෙන සෝමනස්ස සහගත ආතල් සම්ප්‍රයුක්ත සසංකාරික චෛතසිකයත් ගොඩ නගාගෙන රට වටේ කරක්ගහල රාජගිරියෙ මැක්ඩොනල්ඩ්ස් පැත්තෙ එහෙමත් රවුමක් ගහල(මැක් එක පැත්තෙ යන්නෙ බඩ පැලෙන්න කන්න මිසක් ඒ පැත්තේ ඉන්න අර කර නැති සුදු ගවුම් අඳින බවලත් උදවියට තනි ඇහැ දාන්න නෙමේ හරිය.. )  ගෝල්ෆේස් එකේ පුබ්බෝල් ගහල , ක්‍රිකටුත් ගහල, අල්ලන සෙල්ලනුත් කරල තමයි ගෙදර ගියෙ.


පස්සෙන්ද ජෙනරාල් කඩ්ඩ තිබුන අපිට. ඒකෙ ඉතින් ලියන්න දෙයක් තියෙනවයි(ඇත්තටම මෙලෝ දෙයක් තිබ්බෙ නෑ බං.හික් :D). කොහොම හරි වටපිට බලල ඇල්පබට් එක ගලපල කඩ්ඩ ගොඩ දැම්ම. දැන්නම් පට්ටම සන්තෝසයි. නිවන් දකින්න ඔන්න මෙන්න වගේ. කව්ද පොදු පරීක්ශනේ ගනන් ගන්නේ. ආයෙත් පාටි අරව මෙව්ව දාල ගෙදර ගියා. දවස් 13ක් තියෙනව ඊලඟ විබාගෙ වෙච්චි සාමාන්ය පොදු පරීක්ශනේට.

ඉතින් විබාගෙ අතර මැද්දෙ ඒවගේ නිවඩුවක් ලැබුනාම වාර්ශික අද්යාපන චාරිකාව, වන්දනා ගමන, විනෝද ගමන ඔක්කොම ලැහැස්තිකරගන්නවලුනේ කට්ටිය, ඉතින් මන් තුමත් ඕවට සහබාගිවෙලා ගන්න තියෙන ආතල් ඔක්කොමත් අරගෙන ආතල් වලිනුත් හෙම්බත් වෙලා ගෙදර ඇවිත් කොම්පීටර් එකෙන් ෆිල්ම් එකක් බල බලා ඉන්නකොට මතක් උනේ, නෑ වැරදුනා; අම්ම තමයි මතක් කලේ හෙට විබාගෙ කියල

හුටා!! ...හෙට විභාගේ..!! මොන...?.... පොදු පරීක්ශනේ..! නෑ..?! නෑ නෙමේ ඔව්,,

ඇත්තම එවැනි අවසතාවක ඔබ කරන්නේ කුමක්ද?? පාඩම් කලත් නොකලත් අඩුම තරමේ කොම්පීටරේ වහල රෙද්දක් පොරෝගෙන නිදියන එක. ඒත් මේ සමියා... විභාගෙ වගේද බොල ෆිලුම් එක.. උම්ම සීන් එක(ඉදිරි පොස්ටුවකදී බලාපොරොත්තු වන්න ) ඉවරත් නෑ තාම...
ඉතින් කෝමද මේක වහල නිදාගන්නේ..... බෑ...!! බෑමයී!!! .....

විභාගෙකට පුලුවන්ද මන් බලන ෆිල්ම් එක නවත්තන්න. නොසැලී , ඇනුම් බැනුම් ගෙරවුම් මධ්ධයේ ෆිල්ම් එක බලලමයි නිදා ගත්තෙ. රෑ 2ත් පහුවෙනකම් මොනිටරේ.. *ඇඬෙනවා නේද පින්වතුනි !!

*මාරයාගෙන් උස්සා රාජ සන්තක කරගන්නා ලදී :P

එතනින් එහාට උනු දේවල් කවියෙන්..

රෑ දෙක වෙනකම් ෆිල්ම්ස් බලලා…
නැගිට්ටෙ උදයේ පහු පහු වීලා…
එක්සැම් එක අද බව මට දැනිලා…
තරු එක දෙක තුන මට දැන් පෙනිලා…

දත් ටික මැදගෙන පට පට ගාලා…
දිව්වෙමි දුම්රිය අල්ලා ගන්ටා…
අනේ අපොයි උනු කරුමෙක මහතා…
ට්‍රේන් එකත් ගියෙ මට අත වනලා…

උඩ විසි වී ගොස් මම බිම වැටිලා…
බැලුවෙමි ඊලඟ දුම්රියෙ යන්ටා…
කරුමේ නෑනේ මා අත හැරලා…
අනේ අපොයි එය පරක්කු වීලා…

කොහො කොහොමින් මම දුම්රියෙ නැගලා…
කොලඹට ආවෙමි හුටු හුටු ගාලා…
කොච්චර නපුරුද කාලය මා හා…
දෙමටගොඩදි පේපර් එක බෙදලා…

වැහි දෙවියොත් මේ මගෙ දුක දැකලා…
ඇඬුවා ඇඬුවා කඳුලු සලාලා…
අනේ අපොයි නෑ කුඩයක් මා හා…
ඉස්කෝලෙට යන්නට ක්‍රමයක් නැතුවා…
 

හිරි පොද වැස්සේ තෙමි තෙමි උදයේ…
දිව්වෙමි පේපර් එක ගොඩ ගන්ටා…
ඒත් බඩගිනියි මොනව කොරන්ටා…
ඔක්කොම අතහැර කැන්ටින් දිව්වා…

කැන්ටිමෙ ඉඳලා මම ගියෙ දුවලා…
කස්ටිය ලියනව හෝ හෝ ගාලා…
විභාගෙ ගෑනිත් මා දෙස බලලා…
දුන්නා පේපර් එක මට රවලා…

ඇපෝ එයා පේපර් එක දුන්නා…
මෙලෝ දෙයක් නෑ ඒකෙ කොරන්ටා…
අහක බලන් මන් ඉරි ටික ගහලා…
පෙන්නුවෙ වැඩ කිඩ සුං සුං ගාලා…

වෙලාව හරි දැන් කනිසම වැදුනා…
යන්තම් ඉවරයි කොටු ටික කපලා…
කරපු යුද්දෙ මගෙ මතකෙට නැගිලා…
මටම හිනා දැන් හිකි හිකි ගාලා… :D :D :D

ඔන්න ඔහොමයි ඒ එපිසෝඩ් එක ඉවර උනේ..පොදු පරීක්ශනේ ඉවර උනු දවසෙ ගෙදර ඇවිත් මොනිටරේ දිහා බලාගෙන අනිමිස ලෝචනේ යෙදෙද්දි නිකම්ම කවි ටික ටයිප් උනා, ඒක තමයි ඔය උඩින් දාල තියෙන්නෙ.කොල්ල මොන පිස්සුව නටල පේපරේ ලිව්වත් රිසල්ට් ශීට් එකේ  85යි  කියල (වැරදිලාද මන්දන්නෑ හලෝ) ලස්සනට දාල එවල තිබුණා :)