මමී සමඟ මමී බලපු හැටි ( Part - 1 ) - නයිට් රයිඩර්, උම්මා එක සහ ළමා මනස | Knight Rider's hot Kissing :D

  අපෙ ගෙදර පුංචි පවුලක්. මමයි අම්මයි තාත්තයි විතරයි ඉන්නෙ . ඒ කියන්නෙ මම තනියෙක්! එකා යකා කියල ආයෙ අමුතුවෙන් අහන්න දෙයක් නෑනෙ . ගෙදර වෙන ලමයි කවුරුවත් නැති උනාම ආයෙ ඉතින් තත්වය අතිශය ශෝචනීයයි.. අම්මගෙයි තාත්තගෙයි ආදරේ, සෙනෙහස උතුරන්න ලැබෙනව වගේම තමයි අනිත් පැත්තට ගෙදරට හොරෙන් කිසි කුපාඩි වැඩක් තක්කඩි වැඩක් කරන්න බෑ.

ඒ වගේම තමයි මට මතකයි ඒ කාලෙ පොඩි දේනුත් මාව සැහෙන්න පරිස්සම් කරනවා. ඔය ළමා මනස දුශනේ වෙන කිසිම දේකට යොමු වෙන්න දෙන්නෙ නෑ.පොඩි දෙයක් ඇති අපේ අම්මට. කොටින්ම කිව්වොත් ටී වි එකේ ගිය නයිට් රයිඩර්, සුපර් මෑන් වගේ ෆිල්ම් එකක්වත් බලන්න දෙන්නෙ නෑ.

මොනවා? .. ඒ මොකද ඒ ..

ඉදහල්ලකො කියනකං..

ඉස්සර නයිට් රයිඩර් ටී වී සීරීස් එක මතක ඇතිනේ කස්ටියට.. මොන තහංචි දැම්මත් ඕක  මම හොරෙන් හරි බලනවා.  :D ඒ කාලෙ ඉතින් අපිට මොන කම්පූටර්ද .. මයිකල් නයිට් කාර් එකේ නැඟල දාන වැඩ කෑලි බලන්න මොන පොඩි එකාද අකමැති වෙන්නෙ නේ ? ඒව අපිට මැජික් .. 

ඒත් මේ මයිකල් නයිට් ඉන්නව නෙද ඈ.. අප්පා මූට ගෑනියෙක්ගෙ කටක් පේන්න බෑනෙ.. ඇයි  ඌ පොඩ්ඩ බැරි උනාගමන් උම්ම දෙන්ඩ ගන්නවනෙ නස්තාර් වෙන්ඩ.. කට කන්නමයි හදන්නෙ..උම්ම උම්ම ගොඩාක්.. කම්මුල දීල ඉන්න තියන එක දෙන්නෙමම කටටනේ..

ඒ කාලෙ මිනිස්සුන්ගෙ විලිලජ්ජාව නැති හින්දද එහෙමත් නැත්නම් පොඩි ලමයි ටී වී බලන්නෙ නැ කියල හිතිලද දන්නෙ නැ. කොටු කොටු නම් දාන්නෙ නෑ මොන රෙද්ද පෙන්නුවත්..ඔක්කොම ෆුල් ඕපන් එකේ පවුලෙ නාලිකාවෙන් මුලු පවුලටම බලන්න දෙන්නෙ.. ආයෙ නෑ මුලු ඇමරිකානු සගිස්කෘතියම ගෙයි සාලෙ..

"ඕකි තමයි මයිකල්,කාර් එකට බෝම්බෙ තිබ්බෙ .. කට කාපං ඕකිගෙ... කට කාපං ... " කියලා අනික් පොඩි උං වගේ කෑගැහුවෙ නැත්තෙ  පුංචි උනත්   මේ කුපාඩි මයිකල් නයිට් කරන වැඩේ හරි නෑ කියලා මට තේරිලා තිබුන හන්දා..

සුපර් මෑන් සීරීස් එකෙත් ඊට දෙවෙනි නෑ .. සුපර් මෑන් රවුමක් පියාඹනවා... කට කනවා.. ආයෙත් රවුමක් පියාඹනවා ...කට කනවා .... :D විලි ලැජ්ජවෙ සන්තෝසෙ බෑ ඕයි :D

ඒකට දැන් අපෝ මෙලෝ මගුලක් බලන්න නෑ පොඩ්ඩ බැරි වෙද්දි කොටු කොටු කොටු කොටු.... අපි ඉතින් චිත්ත රූප මවගන්න ඕනි.. රෙද්ද.. :D ඒත් දෙමව්පියො ලමයි ඉස්සරහ අසරණ වෙන්නෙ නම් නෑ දැං ඉස්සර වගේ ටීවි එක ඉස්සරහ :) .. අනික දැං ලංකාව කියන්නෙ හෙන සදාචාරාත්මක ගුණයංගෙන් ආඬ්‍ය වුනු දැහැමි බවින් පරිපූර්ණ උනු මිනිස්සු ඉන්න රටක්නේ.. 

ඇත්තම කතාව ඒක නෙමේනේ..

ඒනම් කෝකද ?

මේකයි ඈ

ඉස්සර කාලෙ මං  හරි තරහයි මයිකල් නයිට් උම්ම දෙනවට. (දැන් තරහ නැ හලෝ :D ) මං විතරක් නෙමේ මං හිතන්නෙ කිසිම පුංචි ළමෙක් කැමති නෑ... මොකද අපිට, අපේ පුංචි හිත්වලට  ඕනි ඒ දේවල් නෙමේ

..පොඩි කාලෙ කොයි කවුරුත්  නයිට් රයිඩර් බලන්නෙ මයිකල් නයිට් ගෙ උම්ම එක බලන්න නෙමේ... අපි ආස කලේ  කාර් එක උඩින් පන්නනව බලන්නයි , ඇල කරනව බලන්නයි.. මයිකල් කාර් එකේ ඉදං උඩ යනව බලන්නයි.. ස්පීඩ් එකෙන් කෙල ගෙන යනව බලන්නයිනේ..


කොටින්ම අපිට කාර් එකේ වැඩ කෑලි මිසක් මයිකල් ගෙ වැඩ කෑලි බලන්න ඕනිකමක් තිබුනෙ නෑ.. (හඃ .. දැං ඕනිකමකුත් නෑ.. මොකෝ අපි තාම පොඩි ළමයි :P )

ඔන්න ඔය අවස්තාවක.. ඒ කියන්නෙ මයිකල් හරි සුපර්මෑන් හරි උම්ම දෙන අවස්තාවක අපේ  මව් තුමී බැරි වෙලාවත් දැක්කොත් මං තුමා  අරවගේ  කුපාඩි උම්මාසීන් එකක්  බලනව, තත්වය අතිශය අමානුශිකයි.. ඒත් මං හෙනම කපටියා.. මගෙ අතේ තමයි තියෙන්නෙ රිමෝට් එක.. මං මොකෝ කරන්නෙ.. කට කන්න රෙඩි වෙනකොටම දැම්ම වෙන එකක් චැනල් එකක් ටාර් ගාලා.. කට කන්න යන වෙලාව ගෙස් කරලා ආයෙ දානවා නයි ටී එං...තාක්සනේ මහිමයට පින් සිද්ද වෙන්න කොච්චර නම් සෙතක් සාන්තියක් සැලසෙනවද අපි වගේ අසරණ ළමා ජනතාවට..

හම්මේ බලන්න නේ මගෙ කපටිකම ? :D පොඩිකමටද නේ ?..

ඒත් අනේ පින්වතුනි ඔය රිමෝට් වැඩේ සෑහෙන අක්‍රමිකතා තියනව නොවැ.. ඔන්න මං බල බලා ඉන්නවා.. මයිකල් නයිට් කට කන්නයි හදන්නෙ.. ඔන්න දැම්ම වෙන එකකට.. ආ දැං කට කාල ඉවර ඇති.. දාන්න ඕනි නයි.ටී එං.. ඔන්න දැම්ම නයි.. හුටා මෙන්න කට කනවා.. කනව නෙමේ කාගෙන ආගෙන යනවා.. පොඩිද උනු ලැජ්ජාව ඈ..

ඔය උම්ම එකෙත් ප්‍රභේද තියනවනෙ (මම නම් දන්නෙ නෑ යාලුවෙක් කිව්වෙ..) "චොක්" ගාල දෙනව නිකං ආයෙ රිමෝට් එක අල්ලන්න තියා හිතන්නත් කලින් චොක් එක ඉවරයි .. මයිකල් ද උම්ම එක දුන්නෙ   කියල බලන්නත් කලින් කාර් එක ඇතුලෙ ඉදීය මිනිහ  එලියෙ.. අනික් අවස්තාව තමයි පින්වත "උම්..උම්.. උම් උම්.. උම්.. උම්.. උම්.. උම්. .උම්.. උම්.. උම්................මොච්චො " කියල දෙන එක.. හපූ විලි සංගයක් ඇති මිනිහෙක්ට බලන්න පුලුවංද ඈ ?   බෑ නේද ? උම්ම සීන් එක ඉවරයි කියල හිතල චැනල් මාරු කරද්දි  දිගටම උම්ම එක බලන්න වෙන්නෙ අන්න ඒ කියන්නාවූ භයානක අවස්තාවෙදි.. ඔය අවස්‍තාවෙ බැටරි බැහැපු රිමෝට් එකක් ලඟ තිබුනම ඉතින් ඇතිවෙන හැඟීම කියල වැඩක් නෑ.. කියල වැඩක් නෑ හින්දා  කියල වැඩක් නෑ මයෙ දෙයියෝ...

කොහොම හරි ඔය  අවස්තා දෙක දෙමව්පියො ලමයා ඉදිරියෙත් ලමයා දෙමව්පියා ඉදිරියෙත් පුදුම විදියට අසරණ වෙනවා.. කරන්න දෙයක් නෑ.. එකම ප්‍රතිපලයයි ඉතුරු ..

"ළමයො.! මොනවද ඔය බලන මළ ජරාව.. වහල බුදියපිය.."  මව් පාර්ශවේ අන්තිම තීරනේ දෙනවා.. ඒ වෙලාවෙ තම අයිතිවසිකම් වෙනුවෙන් පෙනී හිටින්න පුලුවන්ද මං අහන්නෙ මං වගේ  පොඩි ළමයෙකුට ? බෑ නේද ඈ.. හරියට ලෝක බලවතුන් නිශේද බලය පාවිච්චිකලා වගේ වැඩක් නෙමේද ඒක ..  මහින්ද රාජපක්ශ චෝගම් එකට උද්ගෝශන නැවැත්තුව වගේ නෙමේද ඒක ? කර බාගෙන විදානය පිලිපදිනව ඇරෙන්න වෙන කරන්න විකල්පයක් නෑ..

ඔන්න ඔය සංතෑසියට තමයි පොඩිකාලෙ මං මූන දුන්නෙ.. ඉතින් ඔබ තුමන්ලට ඇඩෙනව නේද මේව කියනකොට.. මං දන්නවා. ''මේ වගේ විපත් වනේ වන හතුරෙක්ට උනත් මට නම් නොවේවා'' කියලයි මං වගේම ඔයාලත් අද ප්‍රාර්තනා කරන්නෙ..

අපේ ගෙදර කොච්චර මාව ආරක්සා කලාද කියනවනම් 7, 8 වසර වෙනකම්ම මම එකදු කුනු හරුපයක්වත් දැනගෙන හිටියේ නෑ. අඩුම තරමෙ පස්ස පැත්තට පුක කියල කියන්නවත් දන්නෙ නෑ (පුක යනු කුනුහරුපයක් නොවේ - කකා )..  ඒත් ඉස්කෝලෙ යාලුවො මගෙ අසරණ භාවය දැකල 8 වසරෙදි ඉස්සිස්සෙල්ලම කුණුහරුප වල හු යනු හූ යනු කියෙව්වා...කොහොමින් හරි ඉතින් ඒ වසවර්තිමාරයන්ට පින් සිද්ධවෙන්න  සෞඛ්ය පොත ඉගෙන ගන්න කාලෙවෙන්නත් කලින්  හොදට පොත පෙරලන්න වගේම කුණුහරුප වල ආචාර්ය උපාධිය ලබාගන්න සුදුසු මට්ටමකට ඇවිත් ඉදියා පුංචි එකා උනු මම..

ඊට පස්සෙ ඉතින් අනික් එවුන් වගේම හොදම යාලුවට කතා කලෙත් #ත්තෝ බත් කෑවද ? (පෙත්තො බත් කෑවද ?) වගේ සෞම්ය වචනවලින්.. 

ඒත් ගෙදරටත් සමාජයටත්  පුදුම හොද ළමයෙක් මම.. ඒක ඉතින් අහන්න දෙයක් නෙමෙයි ඈ.. ගුරුවරයන්ගෙත් අම්මලගෙත් හොද හිත උපරිමේට දිනාගෙන හිටපු එල කොල්ලෙක්.. (මං ගැන ඉතින් වෙන මොකා හොද කියන්නද මංම කියාගන්නෙපැයි ) ඒත් යාලුවො ලඟදි ටිකක් විතර කුපාඩියි.. ඒත් අම්මල නං දන්නෙ මං බො පැලේ වගේ ලමයා කියලා වුතරයි.. ඉතින් පූර්න විශ්වාසය හා රැකවරනය කියන රක්ශන හිමිකම මට හම්බුනා  :)

ඉතිං මෙම පදුර වටේ තලන්න උනේ පොඩි කතාවක් කියන්න වට පිටාව සකස ගන්න . ඒ කතාව සුඛාන්තයක් නම් නෙමෙයි .. කොටින්ම කියවල ඉවර උනාට පස්සෙ ඇඩෙයි ඈ.. ආයෙ නොකිව්වයි කියන්නෙපා.. ඒ තරම් සෝචනීයයි..

-----------------------------------------------------------------------------------------------------------------------------------------------------------------------------------------------------

 ඒත් ඒ කතාව අහන්න වෙන්නෙ නම් අද නෙමේ.. ඊලඟ පෝස්ට් එකෙන් .. මොකද මම දැං කම්මැලියි.. 

කියන්න ආවෙ වෙන දෙයක්.. කියන්න උනේ වෙන දෙයක්.. කියන්න ආව දේත් අරං ඊලඟ පෝස්ට් එකෙන් එනකං අදට ඇති.. මොකද දැං ඉන්න බ්ලොග් ලියන ඇත්තන්ට කියවන්න තියන බ්ලොග් කන්දරාවෙ හැටියට ලියන එක ගොඩක් ලේසි දෙයක් වෙලා තියනවා.. ඒක හින්ද වද දෙන්න කැමති නෑ මං නං.. මොකද මෙව මේ සම්භාවය බ්ලොග් පෝස්ට් නෙමේ ... ඉතිං වැඩියෙ බලන්න කවුරුත් නෑ.. :)

--------------------------------------------------------------------------------------------------------------------------------------------------------------

ප.ලි - ඔය කුණුහරුප සීන් එක මේකයි.. 8 වසර විතර වෙනකොට ඕක හෙන වසංගතයක් වෙලා තිබුනා .. ඇත්තටම දැං නං 5 වසරෙ ඉන්න උනුත් ප්‍රජනනය සෞඛ්ය පාඩමම කුනුහරුප බාසාවෙන් ප්‍රසිද්ද වෙදිකාවල් වල  කියනකොට ගොඩක් දුක හිතෙනවා,   අනේ මේ ළමයිට මොකද මෙ වෙලා තියෙන්නෙ කියලා. ඒත් අපේ කාලෙ ඕව අපිට තේරුන්නෑ.. මං කිව්වෙ 8 වසරෙදි ඈ... (ආ මෙ ඉන්නෙ අර පන්තියෙ ඉන්න කුපාඩි ළමයි සෙට් එකෙ කියල හිතන්න කාරි නෑ.. මොකද මම 8 දි පන්තියෙ පලවෙනියා වාර දෙකකම .. ඉතින් අන්ත්ම පේලියෙ මුල් පේලියෙ කියල වෙනසක් නෑ.. ඔක්කොම එකයි.. පිටතදි හොද හැසිරීමක්.. එත් යාලුවො ලඟදි ඒම නෑ.. )

෴දෙවෙනි කොටස.......