මළ කෙළියයි! අද දවල් ඉරවල් 2ක් පායලා | OMG! The End Of The World Is Today!!!

පහු ගිය දවස් ටිකේ එක එකා එක  එක ඒව කිව්ව ලෝක විනාසෙ ගැන... ලිහිනිත් එක්ක ඔට්ටුවකුත් දාල ඉන්නෙ. ලෝක වින්නසෙ උන්නැත්තන් එයාට මගෙන් ටොකු 5යි. උනොත් මට එයාගෙන් ටොකු 5යි (බලන්න තියෙන සාධාරනත්වය :P ) ඔට්ටුව දැම්මේ එයාගෙ "ලෝක විනාශය සිදුවනවාද ? අප විනාශය ලඟා කර ගන්නවාද ?" පෝස්ට් එකේදි..

ඔය අතරෙ පෙට්ටියෙ අදිපති තුමාත් "අපිව බලන්න පිටසක්වලින්" කියල පෝස්ට් එකක් දාල තිබුනා.. යක්පරපුරේ සින්හලයගෙ "ලෝක විනාශය බෞද්ධ ඇසින්" පෝස්ට් එකත් වැටෙනකොට..අපේ දේශක තුමා “ලෝක විනාසේ අනිවා වෙනවා“ කියල ඔප්පුකරල හමාරත් කලා.දෙයියෝ සාක්කි!! තව පොඩ්ඩෙන් අපේ ලොකු අයියව අමතක වෙනවනේ. එතුමාත් හැදුවනේ "මගේ ලෝක විනාස ලයිස්තුව." කියල ලැයිස්තුවකුත් ලෝක විනාසෙට.. කැමති අය ගිහින් කියවන්න ඕව්ව ටික.

මතක් උන ටික විතරයි දැම්මෙ. තව තියේ නම්කිසි අව්ලක් නෑ පහල කමෙන්ට් කරන්න.. ඇවිත් බලලයන්න කවුරු නැතත් මන් එන්නම්. හ්ම්ම් අනිත් අය ගැන ඇති දැන් කතාවට බහිමු


මගෙ අදහස නම් ලෝක විනාශයක් වෙන්නෙ නෑ කියන එකයි.  ඒක ඉතින් මගෙ මතේ..  මට හිතෙන විදිය, මොකද කිව්වොත් ලෝක විනාසෙ වෙනව හෝ වෙන්නෑ කියන්න මන් ලඟ සාක්ශි නෑ...  හැම එක්කෙනාම තමන්ට හිතෙන දේ කියනවා... එක එක්කෙනා විවිද දේ ඔස්සෙ ගිහින් විවිද මතිමතාන්තර පලකරනවා.සමහරු පිලිගන්නව. සමහරු පිලිගන්නෙ නෑ.

මම මේ කියන්න යන්නේ ලෝක විනාසෙ ගැන වත් , ඒක ගැන මගෙ තියෙන ආකල්පය වත් නෙමේ..අද මම දැක්ක දෙයක්... ඉතින් මේ පෝස්ට් එක ලියන්නෙ කියවා රස විඳින්නවත් එහෙමත් නැත්නම් මම මේ දැක්ක දේ හරිම කියන්නවත් නෙමේ. කැමති කෙනෙක් ඉන්නවනම් මේ ගැන තව විස්තර හොයන්න උනන්දු කරවන්න

මම ඉතින් එෆ්. බී එකේ මුදියා නොහොත් සමියා කියන පිස්සු චරිතෙන් පෙනී ඉන්නවනේ... ඔය ප්‍රොෆයිල් එකේ ඉන්නෙ ෆේක් චරිතම තමයි වැඩි හරියක්.. කොහොම හරි අද නිකන් එෆ්. බී එකේ සැරිසරද්දි එක ෆේක් චරිතයක් කරන ගෑනු ලමෙක් ස්ටේටස් එකක් දාල තිබුනා "මේ අනේ අද ඉරවල් 2ක් පායල තියනව කියන්නෙ ඇත්තද?" කියල අහලා.

මාව උඩ ගියා. "යකඩෝ ඉරවල් 2ක්??"
දූවල ගියා මිදුලට. ම්හු.. මොන... මොන මගුලවත් පේන්නෙ නෑ...පියවි ඇහින් ඉර බලන්න බැහැ කියල මතක් උනේ එතකොට..

දැන් ඉර බලන්න විදියක් නැතුව ක්‍රම හොයනවා.. සන්ග්ලාස් 2ක් තිබුනා. ඒකත් කොහෙ දාලද මන්දන්නෙ නෑ.. එක්ස් රේ කොල හෙව්වා. ඒවත් නැහැ.

ඉතින් අන්තිමේ ටිකිරි මොලේට ආව මාරි බිස්කට් අයිඩියා එකක්.
ඇයි දෙයියනේ මන් ලඟ තියේනේ හයිකොලිටි සුපිරිම සුපිරි මෙගාපික්සල් 2කේ කැමරාවක් මගෙ පෝං එකේ.. (හිනාවෙනෙපාඩො දුප්පත් මන් ලඟ කොයින්ද  හොඳ කැමරා :P )

දඩිබිඩි ගාල ගත්ත පොටෝ 4ක්. ඔය යටින් තියෙන්නෙ එහෙම ගත්ත පොටෝ එකක්.

                                   
මුකුත් විශේෂත්වයක් නෑ නේද??
නෑ.. විශේෂත්වයක් තියෙනවා.. විශේෂත්වය පේන්නෙ ඊලඟ පොටෝ එකෙන්. ඒ තමයි නෙගටිව් පොටෝ එක.
 

.

අර ඉස්සෙල්ල පොටෝ එකේ විශේශත්වක් නැති නිසා ගත්තු නෙගටිව් පොටෝ 2ක් තමයි ඔය තියෙන්නෙ..ඇඬෙනවා නේද පින්වතුනි,,!! සිරාවටම මේකටනම් ඇඩෙනවා. ඇයි දෙයියනේ ඔය ඉරට එහා පැත්තෙන් තියන ඩොට් එක මොකක්ද? :O  :O

:හොඳට බැලුවොත් අර කලින් පොටෝ එකෙත් එහෙම එකක් තියෙනවා. නමුත් පේන්නෙ නෑ ඉරේ එලිය නිසා.. ඔන්න හොඳට බලන්නකෝ ආයේ..

ඉතින් බලන් ඉඳල බෑනේ.සමාජය දැනුවත් කරන එක මගේ යුතුකමනේ. එහෙමනේ වගකිව යුතු පුරවැසියො හැසිරෙන්නෙ අද කාලේ.. නේ.......ද?????? :P..  ඉතින් ෆේස් බුක් එකේ දැම්මා මම. එතකොට කට්ටියත් දුවල ගිහින් බලලා පොටෝස්  ටිකක් අරන් මට එව්වා. ඒ එවපු පොටෝස් තමයි ඔය පහල තියෙන්නේ.

 

                                 


                                            

ඊට පස්සෙ අම්මට පෙන්නපුවහම අම්ම බය වෙලා අවසාන නිවේදන නිකුත් කලා
"තෝ අද එලියට බහින්නෑ. ආයෙ.. ඉර දිහා බලල අහුවුනොත් හමගහනව බලාගෙනයි" කියලා.ඒ විතරක් නම් මදෑ අහල පහල ගෙවල් වලටත් කෝල් කරලා ඒ ඉන්න එව්න්ටත් රාජාඣ්ඣාවක්(සන්නක ටයිප් කරන්ඩ බැරෝ..) දුන්නා එලියට බහින්නැතුව හිටු කියලා

දැන් ඉතින් කාල වරෙන්කෝ ආයෙ මේක ගන හොයනව බොරු.. ඒත් මන් තුමාගෙ නොසැලෙන මීව්ව එකත් , අප්ප්‍රතිහත මෙව්ව එකත් හමුවේ අන්තිමේ මට පුලුවන් උනා එලියට පැනගන්න අම්ම නිදි අතරේ.. ඒ ගහපු පොටෝස් තමයි ඔය තියෙන්නේ...

මම බලාගත්තු අතේ බලාගෙන ලෝකෙ පෙරලන්න කල්පනා කරද්දි හිතට ආපු දේවල් තමයි ඔය යටින් තියෙන්නෙ..සමහර තර්ක නම්  තර්කෙ එනකොටම බිඳිල ගියා..

1. මේක මගෙ පෝන් එකේ කැමරාවෙ අව්ලක් වෙන්න ඇති.. නෑ එහෙනම් කොහොමද එෆ්. බී එකෙ අනිත් අයගෙ කැමරා වලිනුත් මෙහෙම පෙනුනේ..

2. සිරාවටම මේ නම් ඉරවල් 2ක්.. හුටා ලෝකෙ විනාස වෙනව තමයි.. ඔහොම පොඩියට පායල තා ටික දොහකින් ලොකු වෙලා ලොකුම වෙලා පෘතුවිය කරුකුට්ටන් කරල දායි

3. නෑ මේක මේ බුධ හරි අඟහරු හරි වෙන්න ඕනි.(අනිත් ග්‍රහලෝක වෙන්න බැරි ඒවට පෘතුවියයි ඉරයි අතරට එන්න බැරි නිසා..) ඒක තමයි ඔය පේන්නේ. ඒත් දෙයියනේ නිව්ස් වලටවත් සිකුරු සන්ක්‍රාන්තියක් ගැනවත් බුධ සන්ක්‍රාන්තියක් ගැනවත් කිව්වෙ නෑනේ

4. එහෙනම් මේක තමයි අර රෑට රෑට පෙන්නන..පාට පාටින් වෙනස් වෙන මොකක්ද මන්ද එක.පෘතුවිය දෙසට එන උල්කාපාතයක් වෙන්නත් පුලුවන්. ඒත් නිව්ස් වලටවත් කිව්වෙ නෑ නේ.

5.සමහරවිට මේක මේ දඩිබිඩි ගාලා පෘතුවියට එන ධූමකේතුවක් වෙන්න ඇති..මතකනේ අර ටිං ටිං කාටූන් එකේ එහෙම එකක් ආවා.. ඒත් නාසා එකට නොපෙනෙන්න එන්නෙ කොහොමද?
සමහර විට ලෝක විනාසෙ වෙනව කියල දැන දැන වහන්කලාද දන්නෙත් නෑ ලෝකෙන්..

6.ඉරෙන් කෑල්ලක් ගැලවිලා වෙන්නත් පුලුවන්, කව්ද දන්නෙ. ඔය ඉරේ පිපිරීම් වෙනවලුනේ.එහෙම එකක් නම් සමහර විට නාසා එකට මිස් වෙන්න පුලුවන් . මොකෝ ඔන්න හෙට ඉරෙන් කෑල්ලක් ගලවෙනව කියල ඉරේ අන්නවැකි කියන්න ඉරේ පරීක්ශන පවත්වන්න පුලුවන් එකක්යැ..

7.නෑ නෑ හත්දෙයියනේ මේක පිටසක්වල ආක්‍රමනයක්!! නාසා එකේ රේඩාර් වලට අහු නොවුනු පියාඹන පීරිසියක්. ලෑන්ඩ් කරන්න තැනක් හොයාගන්න බැරුව දඟලනව වෙන්න පුලුවන්.. සමහර විට මුන් අපිට යුද්දෙ ප්‍රකාස කරන්න පලවෙනි වෙඩිමුරේපත්තු කරන්න ඕනි තැන හොයනව වෙන්නත් පුලුවන්. ,

ඔය විදියට එකී නොකී විවිද පරීක්ශන, නිරීකශන නිගමන වල යෙදෙමින්,ලෝකෙ පෙරලමින් ඉන්නකොටමට ඉතින් මගෙ බ්ලොග් යාලුවො මතක් උනා.

හා දැන් ගන්න ලමයි කැමරාවක් . යන්න එලියට. ගන්න පොටෝ.. ගහල බලන්න මොකෝ ..
පැහැදිලි මදිනම් ඔන් කරන්න නෙගටිව් මූඩ්. ආ දැන් ගහන්න ආයෙත් පොටෝ.. ගහල බලන්න මොකෝ..

ඔව් ඔබට දැන් සූරියා සමග සූරියාගේ නන්ගීවද දර්ශනය වනු ඇත..
(නන්ගීට ලයින් දාන්නැතිව මෙහෙ වරෙන් යකෝ,, )ආහ් කියන්න බලන්න මේ මොකද වෙලා තියෙන්නෙ කියලා. ඔබේ නිගමනයෙ සාර්තක අසාර්තක බාවය මගේ අවසන් නිගමනය සමග ගැලපෙනවද බලමු...

මම එෆ් බී එකේ යාලුවෙක් ගෙ උදව්වෙන් අවසන් නිගමනේකට ආව.. ඒ ගැන කියන්නම් හෙට රෑ වෙන්න ඉස්සෙල්ල, වෙලා තියෙන්නෙ  මේකයි කියල මන් හිතන්නෙ මට දැන් කියන්න පුලුවනි.. කමක් නෑ ඔයාලත් කියන්න බලන්න මොකද වෙලා තියෙන්නෙ කියල.. දැන් හවස.. දැන් නම් ඒක පේනවද දන්නෙ නෑ. හෙට දවල්ට බලන්නකෝ එහෙනම්. සමහර විට පිටසක්වල් යානාවක් නොවේ නම් ඔය මොකක්ද මන්ද එක හෙටත් පෙනෙයි (මම ඒක නම් කරනව මගෙ නමින්.:D  ඈයි අප්පා මමනේ හොයාගත්තෙ. ම්ම්ම් ඒකට හොඳ නමක් යෝජනාකරන්නත් ඔබටම බාරකරනව. හැබැයි ඒක ඇතුලෙ මගෙ නමත් තියෙන්නෙ ඕනි ඈ :P :P )

ඉතින් ලෝකෙ විනාස උනේ නැත්තන් හෙට රෑ වෙන්න කලින් මොකක්ද සීන් එක කියල මගේ නිගමනය දෙන්නම්. එතෙක් ලෝක විනාසෙන් තොර සුභ අනාගතයක්!!!

--------------------------------------------------------------------------------------------------------
--------------------------------------------------------------------------------------------------------
--------------------------------------------------------------------------------------------------------

ප.ලි-
අනේ සමාවෙන්න ඕනි යාලුවනේ පොඩ්ඩක් පරක්කු උනාට .. ඔව්. ගොඩක් අය හරි.. ලෙන්ස් ෆ්ලෙයා (Lense Flare) කියන සන්සිද්දිය තමයි මෙතන වෙන්නෙ. මම උනත් බොහොම අහම්බෙන් මේක එක පාර දැක්කෙ.  මට අහම්බයක් උනත් ඒකෙන් මම ඉගෙනගත්ත ගොඩක් දේවල්.. මට අලුත් දෙයක්, අලුත් අත්දැකීමක් උනා මේ සංසිද්දිය... මම හිතුව මේක මම විතරක් නොදන්න දෙයක් වෙන්න ඇති කියල.නමුත් මේක මොකක්ද කියල පැහැදිලි කරල දෙන්න පුලුවන් උනේ බොහොම අතලොස්සකට විතරයි..නොදන්න කට්ටියට කියලෙ දෙන්නම් ඉතින්..

අපි මේ දකින්නෙ වෙන ග්‍රහලෝකයක්වත්, වෙනත් ග්‍රහ වස්තුවක්වත්, තවත් සූර්යෙක්වත්..එහෙමත් නැතිනම් පිටසක්වල යානාවක්වත්  නෙමෙයි,. අපේ සුර්යාගෙම පරතිබිමයක්.. කෑමරා කාචයකින් විතරයි මේදේ දකින්න පුලුවන්.අපි භාවිතා කරන කැමරා කෝණය අනුව මේ දේ සමහර විට නොපෙනෙන්න පුලුවන්. කොටින්ම කිව්වොත් හැම වෙලාවෙම, හැම කැමරා කෝණයකින්ම මේ ලෙන්ස් ෆ්ලෙයා සංසිද්දිය දකින්න පුළුවන්කමක් නෑ..

මෙන්න මෙතන ඔබල බලන්න තවත් ලෙන්ස් ෆ්ලෙයා සංසිද්දිය ඇති වෙන (චායාරූප ගොන්නක් ගූගල් සෙව්මෙන් ගත්තු චායාරූප)

මේ තියෙන්නෙ ආලෝක කිරන ලෙන්ස් ෆ්ලෙයා සංසිද්දියෙදි කැමරා කාචය හරහා ගමන් කරන හැටි

                        

විකීපීඩියා එකෙත් මේ ගැන පැහැදිලි විස්තරයක් කරල තියෙනවා. මෙතන ඔබල ගිහින් බලන්න.

ලෙන්ස් ෆ්ලෙයා සංසිද්දිය බොහෝවිට චායාරූපකරණයේදි අවාසි සහගත සංසිද්දියක්. (හැම විටම නෙමේ. විශේශයෙන්ම ස්වභාවික දර්ශන චායාරූපකරණයේදි ස්වභාව සෞන්දර්යේ අලංකාරය වැඩිකරවන්න මේ දේ යොදාගන්න පුලුවන්). ඉතින් එයින් වැලකෙන්න චායාරූප ශිල්පීන් විවිද උපක්‍රම භාවිතා කරනවා.ඒ පිළිබද් උනන්දු කෙනෙක්ට කියවන්න තව ලිපියක් හම්බුනා. කැමති කෙනෙක් ගිහින් කියවන්න මෙතන ඔබන්න

මම මේ පෝස්ට් එක දාපු දවසෙම අපේ සාතන් උන්නැහෙත් මේ ගැන හොඳ පැහැදිලි කිරිමක් එක්ක විස්තරයක් දාල තිබුණා, ඒකනම් අනිවාර්යෙන් ගිහින් බලන්න. හරි අපූරු වීඩියෝ දෙකක් තියෙනවා (වැඩියෙ නැ කිලොබයිට් ගානක පොඩිම පොඩි වීඩියෝ දෙකක්. හරිම අපූරුවට ලෙන්ස් ෆ්ලෙයා එක කැමරාකෝණයත් එක්ක වෙනස් වෙන හැටි , ඇතිවෙන, නැතිවෙන හැටි බලාගන්න පුලුවනි.. මෙතන ඔබල ඒ පෝස්ට් එකට යන්න)

හොඳට බලන්නකෝ මම උඩ දාල තියෙන පොටෝවල ඔය කියන ප්‍රතිබිම්බය එකින් එකට පිහිටන තැන වෙනස්වෙනවා. මම පස්සෙ පොටෝ ටික විශ්ලේශනය කරනකොට දැක්කෙ. සමහර වෙලාවට ඉරට ලඟින්ම.. සමහර වෙලාවට ඉරට ඈතින් පිහිටනවා. සාතන්ගෙ පැහැදිලි කිරීම් එක්ක ඒකට හේතුව ලෑබෙනවා :)

ඉතින් යාලුවනේ චායාරූපකරණය පිළිබද මෙලෝ හසරක් නොදැන හිටිය මං මේකෙන් ගොඩක් දේවල් ඉගෙනගත්තා. ඒ වගේම අපි නොදැකපු කොච්ච්ර සංසිද්දි තව තියෙනවද මේ ලෝකෙ. ඒව ගැන අලුතින් ඉගෙනගද්දි, ඒවා දකිද්දි ගොඩක් ලොකු වින්දනයක්  ලබන්න පුලුවන්..මම හිතනව මේ ගැන නොදන්න ඔයාලත් මොනව හරි පුංචි දෙයක් මේකෙන් ගන්න අති කියල. එහනම් ගවේශනාත්මක සමියා පොස්ට් එක මෙතනින් ඉවර කරනවා, පිස්සු සමියා සමඟින් නැවත හමුවෙමු !!!