මල් කැකුලියකට පෙම් කළෙමි | Story of a little bee

සිහිනයක පා පියුම් ඔසවා
සොඳුරු ගමනක් යන එනා
පුංචි මල් කැකුලියක් මා වෙත
හොරෙන් ඉගි බිගි කම් කලා

එදෙස නොබලා යනෙන මොහොතේ
මල් කැකුල මුකුලිත වෙලා
කඳුලු සලමින් මදෙස බලමින්
කුමක්දෝ මට පැවසුවා

 "නොයනු මැන මා මෙලෙස තනිකර
ලොවේ අද මං තනිවෙලා
පාලුවත් කඳුලත් දුකත් අද
නොඅඩුවම මට හිමි වෙලා "





ගලා යන ඒ කඳුලු අතරින්
සිහින් වදනක් පිට උනා
ඇසත් හඬවා හිතත් පාරා
මගේ හදවත දුක් උනා

ගලා ගිය උනු කදූලු කැට මම
මගේ දෑතින් පිස දමා
මල් කැකුලෙ පාලුව මකන්නට
මල් කැකුල ලග නැවතුනා

" ආදරෙයි මං සෑම දාටම
මගේ පොඩි බඹරා ඔයා
ඉන්නකෝ මං ; ලඟින් හැමවිට
මල් සුවඳ , රොන් උර උරා "

නොසිතු සිතුමන් නොපැතු පැතුමන්
ආදරේ ලඟ ඉටුවෙලා
කිසිම දිනකදි නොවුනු ලෙස මගෙ
හදවතත් කුල් මත් වෙලා

පුරා සඳවත නීල අහසේ
දසත රැස් එලි විහිදුවා
සිටුනු දුටු මට අමාවක ගැන
අනේ ඇයි අමතක වෙලා ?




දිනෙන් දින සති ගෙවී හනිකට
මල් කැකුල විකසිත වෙලා
යනෙන බඹරුත් ඇගේ පිරිවර
සමග ටික ටික එක් වෙලා


බඹර කුලයක රජස් බඹරෙක්
ඇගේ සිත ලග නැවතිලා
පාන සෙනෙහෙට ඈට මං ගැන
වගක් වත් දැන් නැති වෙලා


එදැක හිත් මල දුකින් තෙරපී
දෑස කඳුලින් තෙත්වෙලා
තිබුන සිහිනය මගේ නෙත් ලග
අද හැබෑවට සිදු වෙලා
✾     ✾     ✾


යනෙන ගමනත් අතැර දා මම
නැවතුනේ කුමරියෙ මගේ
මුලදි බිව් කඳුලකුදු අද නුඹ
සිතට ඇයි අමතක අනේ

සිටිය මුත් නුබ ලඟදි අද දින
බොහෝ බඹරුන් නෙක ලොවේ
පරව ගිය දා කිසිවෙකුත් නැත
එදින නම් නුබ පසු තැවේ

පෙරදි නුබ ලඟ තිබුනු  දුක් ගිනි
සියල්ලම මම පොදි බැදන්
යන්න අවසර යලි නොඑන්නම
මගේ කුමරියෙ රත්තරන්
 


- හැරයන මම - කාලයක් නුඹම වෙනුවෙන් හුන් අහිංසක බඹරා...