Saturday, December 22, 2012

෴ නැළවිලි ගීතය෴ | Lullabies

ලෝක විනාසෙත් වෙලා අලුත් ලෝකයක් උදාවෙලා තියන මේ වෙලාවෙ මොනව හරි නොලිය ඉන්න එක හරි නෑ කියල හිතුන හින්දම ඔන්න චූටි පෝස්ට් එකක් ලියන්න ආවා. මෙක මම බ්ලොග් එක පටන් ගන්නත් කලින් දානවමයි කියල හිතේ තියාගෙන හිටිය පෝස්ට් එකක්.පහු ගිය  19වෙනිදට බ්ලොග පටන් අරන් මාසයක්. මෙක අඩුම තරමෙ 2වෙනි පෝස්ට් එකවත් විදියට වැටෙන්න ඔනි එකක්. ඒත් එක එක විකාර ඔලුවට ඇවිත් ඒවම ලිව්ව මිසක් මේක දාන එක ටිකක් පස්සට ගියා. ඒකට ටිකක් දුකයි. මොකද  මගෙ ජීවිතේ වැදගත්ම කෙනා මෙ පෝස්ට් එක ඇතුලෙ ඉන්න හින්ද. ඔන්න ඉතින් පරක්කු වෙලා උනත් 8වෙනි පෝස්ට් එක ව්දියට මෙක ලියන්න පටන් ගත්ත මම..

අපේ ගෙදර ඉන්නෙ මමයි, අම්මයි, තාත්තයි. හ්ම්ම්. පුංචි පවුලක් තමයි.. ඒ කියන්නෙ ගෙදරට හොදට නරකට දෙකටම  ඉන්න එකම ලමය මම.. ඉතින් පොඩි කාලෙ ඉඳන් දරාගන්නත් බැරි තරම් ලොකූ ආදරයක් මැද හැදුන කොල්ලෙක් තමයි මෙ සමියා..දැන් නම් හරිම දුකයි මල්ලියෙක් හරි නංගියෙක් හරි හිටියෙ නැති එකට..සමහර වෙලාවට හරිම පාලුයි. ඒත් ඒ කාලෙ නං එහෙම නෑ. ඇයි අප්පා හැම දේම මටනේ. ආයෙ කාටවත් මගෙ දේවල් බෙදන්න ඕනිත් නෑ..කවුරුවත් මගෙ කිසි දේකට අයිතිවාසිකම් කියන්නෙත් නෑ.. අම්මා ඒ කලෙ මගෙන් අහපුවහම මල්ලියෙක් හරි නංගියෙක් හරි ඕනිද කියල මං ගොන් හරක එපාමයි කියල..කොහොම හරි ඉතින් මගෙ බලවත් විරෝදය හින්දමද දන්නෙ නෑ අම්මල හිතන්ඩ ඇති තව පොඩි එකෙක්ට චාන්ස් එකක් නොදී ඉන්න මෙ ලෝකෙ එලිය දකින්ඩ.

Friday, December 14, 2012

මළ කෙළියයි! අද දවල් ඉරවල් 2ක් පායලා | OMG! The End Of The World Is Today!!!

පහු ගිය දවස් ටිකේ එක එකා එක  එක ඒව කිව්ව ලෝක විනාසෙ ගැන... ලිහිනිත් එක්ක ඔට්ටුවකුත් දාල ඉන්නෙ. ලෝක වින්නසෙ උන්නැත්තන් එයාට මගෙන් ටොකු 5යි. උනොත් මට එයාගෙන් ටොකු 5යි (බලන්න තියෙන සාධාරනත්වය :P ) ඔට්ටුව දැම්මේ එයාගෙ "ලෝක විනාශය සිදුවනවාද ? අප විනාශය ලඟා කර ගන්නවාද ?" පෝස්ට් එකේදි..

ඔය අතරෙ පෙට්ටියෙ අදිපති තුමාත් "අපිව බලන්න පිටසක්වලින්" කියල පෝස්ට් එකක් දාල තිබුනා.. යක්පරපුරේ සින්හලයගෙ "ලෝක විනාශය බෞද්ධ ඇසින්" පෝස්ට් එකත් වැටෙනකොට..අපේ දේශක තුමා “ලෝක විනාසේ අනිවා වෙනවා“ කියල ඔප්පුකරල හමාරත් කලා.දෙයියෝ සාක්කි!! තව පොඩ්ඩෙන් අපේ ලොකු අයියව අමතක වෙනවනේ. එතුමාත් හැදුවනේ "මගේ ලෝක විනාස ලයිස්තුව." කියල ලැයිස්තුවකුත් ලෝක විනාසෙට.. කැමති අය ගිහින් කියවන්න ඕව්ව ටික.

මතක් උන ටික විතරයි දැම්මෙ. තව තියේ නම්කිසි අව්ලක් නෑ පහල කමෙන්ට් කරන්න.. ඇවිත් බලලයන්න කවුරු නැතත් මන් එන්නම්. හ්ම්ම් අනිත් අය ගැන ඇති දැන් කතාවට බහිමු

Sunday, December 9, 2012

මම G.K පේපරේ ලිව්ව හැටි :P | How I Messed Up My Exam :D

අපි අපොයි. උපේ කලානේ ඒ කාලෙ. මන් ඉතින් මැත තමයි කොලේ. කොහොම හරි මැත්ස්, බයෝ කරපු එවුන්ට හැදෙනව පිස්සුවක් කෙම(chemistry) ඉවර උනු ගමන්ම ඒ ලෙවල් ඉවරයි කියල හිතෙන. ඉතින් අනිත් සබ්ජෙක්ස් වලට(කඩ්ඩටයි, පොදු පරීක්ශනේටයි) දෙන්නෙ කුඩම්මගෙත් පලවෙනි කසාදෙ මිනිහට දෙන සැලකිල්ල.කොටින්ම කියනවනම් කෙම ඉවර වෙලා ගෙදර යන්නෙ පහුවදා විභාගයක් තියෙනව කියන අදහසින් නෙමේ. අපිට රටක් රාජ්ජෙකුයි තව පොඩ්ඩකුයි ලැබුන වගේ සතුටක් තමයි චිත්ත සන්තානයේ ඇතිවෙන්නේ.  

අපිත් ඉතින් කෙම ඉවර උනු දවසෙ ඒ ඇතිවෙන සෝමනස්ස සහගත ආතල් සම්ප්‍රයුක්ත සසංකාරික චෛතසිකයත් ගොඩ නගාගෙන රට වටේ කරක්ගහල රාජගිරියෙ මැක්ඩොනල්ඩ්ස් පැත්තෙ එහෙමත් රවුමක් ගහල(මැක් එක පැත්තෙ යන්නෙ බඩ පැලෙන්න කන්න මිසක් ඒ පැත්තේ ඉන්න අර කර නැති සුදු ගවුම් අඳින බවලත් උදවියට තනි ඇහැ දාන්න නෙමේ හරිය.. )  ගෝල්ෆේස් එකේ පුබ්බෝල් ගහල , ක්‍රිකටුත් ගහල, අල්ලන සෙල්ලනුත් කරල තමයි ගෙදර ගියෙ.

Wednesday, December 5, 2012

අත්තම්මා නිවන් ගිහින් අපට ගොඩක් ඈතයි | She Left Me Alone :'(

අපේ ජීවිතේට සමහර පුද්ගලයන් ඉතා විශේෂයි..මගේ ජීවිතේ එවැනි පුද්ගලයන් අතරින් ඉහලින්ම සිටින කෙනෙක් තමයි මගේ ආත්තම්මා.

(මෙතැන් පටන් මම ඇයව  මගේ ලොකු අම්මා ලෙස හඳුවන්නෙම්.ආච්චි, ආච්චිඅම්මා, අත්තම්මා කියන ආමන්ත්‍රණය මට නුහුරුයි.ඒ වගේම දුරස් බවක් හැඟෙනව. ලොකු අම්මා කියන්නෙ ඒ කාලේ සිට අප ගම් ප්‍රදේශයේ ආච්චිඅම්මා වෙනුවට භාවිතා කරන්න වචනය. ඔබට මදක් නුහුරු වන්නට ඇති බවට සැකයක් නැහැ.
අම්මගෙ අක්ක මහම්මා, තාත්තගෙ අය්යා මහප්පා, ආච්චිටයි සීයටයි ලොකු තාත්තා සහ ලොකු අම්මා, ඒ තමයි අපේ පැත්තෙ විදිය. පොඩි කාලෙ ඉඳන් ලොකු අම්මේ කියල කට පුරා කියල මෙතනදි ආච්චි කියල කියන්න බැරි හින්දයි ඒ පැහැදිලි කිරීම කරන්න උණේ.)

Tuesday, November 27, 2012

-යට ඇඳුම- :D | The Underwear

යට මෙව්ව එක හෙවත් යටිතල පහසුකම :P



සුපර් මෑන් උඩින් අඳින..

නිකන් මෑන් යටින් අඳින..
කොයි කාටත් නැතුවම බැරි..
ශිෂ්ට බවේ සොදුරු ළකුණ..

පිට කොටුවේ හරි ලාබෙට..
තුනේ ගොඩක් දෙසීයකට..
දුප්පත් අසරණ ඈයෝ..
තෝරන්නේ පොරකාගෙන..                                             

Saturday, November 24, 2012

හෙරලිය | An Old Story About The Jackfruit

හිරු අක්කගෙ බ්ලොග් එකේ තිබුනු අපේ කොස් කෑම පෝස්ට් එක කියවනකොට මට පොඩි කතාවක් මතක් උනා.ඒ පෝස්ට් එකෙයි කමෙන්ට්ස් වලයි කොස් ගැන සෑහෙන විස්තරයක් තිබුනනේ. ආයෙ කොස් ගෙඩිය අමුතුවෙන් වණන්න ඕනි නැති නිසා කෙලින්ම කතාව කියන්නම්. ඒ පෝස්ට් එක බලපු නෑති අය මෙතන ඔබල ඒක බලලම එන්න. (ඔන්න ඉස් ඉස්සෙල්ලම සමියගෙ බ්ලොග් එකෙන් පබ්ලිසිටියක් දුන්නෙ හිරු අක්කට ඈ :D)

 

මුලින්ම කියන්න ඕනි මම මේක අහපු කතාවක්. ඒ නිසා මම දන්නෙ නැ මේකෙ ඇත්ත නැත්ත. කොහොම හරි මුල් කාලෙදි   ලංකාවෙ මිනිස්සු කොස් ගැන දැනගෙන ඉඳල නෑ.කොස් ගෙඩි පිරුනු කොස් ගස් තිබුනත් ඉස්සර මිනිස්සු කොස් කන්නෙ නෑ. ඇයි? .. ඒ අය හිතාගෙන ඉඳල තියෙන්නෙ කොස් කියන්නෙ කන්න පුලුවන් ගෙඩි ජාතියක් නෙමේ කියල.බාහිර පෙනුමෙනුත් කොස් ගෙඩිය කැමට සුදුසු ගෙඩියක් වගේ නෙමේනෙ පේන්නෙ.මුලු ගෙඩියෙම කටු කටු වගේ , ලෙල්ලත් හෙන ගනකම්. අනික හැම තැනම ඇලෙන කොහොල්ලැ ඒමත් තියෙන නිසා කොස් කියන්නෙ මිනිස්සු ජාතියට කන්න බැරි කැමක් කියල තමයි ඉස්සර හිතාගෙන ඉඳල තියෙන්නෙ.ප්‍රයෝජනයක් නැති නිසාම කොස් ගහ හඳුන්වන්න නමක්වත් තිබුනෙ නැ. 

Wednesday, November 21, 2012

ALPHABeT රචනාව හා බලු රචනාව | Two funny Essays


-විප්ලව යුගයේ දේශපාලන හා ආර්තික පසුබිම-
(alphabet රචනාව)


A
කාලෙ Bති‍ය රජකරපු ‍යුග‍යක්. Cතල කාලෙ නිසා Dස්පැන්සරිවල හිටන් Eහෙන් කනෙන් නැතුව සෙනග . Fගනිස්තානෙට බෝම්බ ගහන්නෙ හරි‍යට Gල් බෝල ගහනව වගේ. Hචරටම Iතිවාසිකම් උල්ලන්ගන කරලත් Jස්ට උත්තම‍යො නෙමේ නිකංවත් Kස් එකක් ඇද්දෙ. Lලන්න බලාගෙන හිටි‍ය වික්ටර් Mමානුවෙල් රජතුමාටත් වැරදි බෙහෙතක් Nනත් කරල Oපරේශන් එකකදි Pන්ගුත්තර‍යෙක් වගේ මරල දැම්ම. මිනිස්සු කොච්චර Qව්වත්  Rතිකෙ බින්දුවටම  වැටිල Sකිමෝවරු පවා හිටි‍යෙ සීතලට T ශර්ට් එකක් වත් ගන්න බැරි තත්වෙක. අද වගේම

Monday, November 19, 2012

අපිත් ආවෝ :) | My First Blog Post



බොහෝ දුර ගමනක්..

යන්නට සිතාගෙන..

තනන්නට අවසරයි..

මේලෙසින් හෙමි හෙමින්..

මගෙ පුංචි ලෝකය..!!!

සිත් මලක ඇති උනු..

හැඟුම් පොදි සිර කරන්..

සිටියෙමි බොහෝ කල්..

කාලය පැමිණ ඇත..

තනන්නම් දැ ඉතින්..

මගෙ පුංචි ලෝකය..

නිදහසේ තෙළි තුඩින්..

නුඹ හමුවෙ තබන්නට..